Ол қозғалыс ережелерінің қандай да бір талаптарын сақтамағандықтан орын алып жатады. Жол қозғалысы оқиғаларының сандары мен фактілерінде көптеген адамдардың өмірі, тағдыры және денсаулығы тұрады. Бұл мәселені шешудің ең негізгі мәні жас жаяу жүргіншілер - балаларды жол қозғалысы ережелеріне дұрыс дайындау және үйрету. Жол-көлік оқиғасын алдын-алу мақсатында салаға жауапты мамандардың қатысуымен жиын болып өтті.

Келелі кеңесте облыс әкімінің орынбасары Ардақ Зебешев облыстық полиция департаментіне, қала аудан әкімдіктерімен бірлесіп ай сайынғы негізде жол-көлік оқиғаларын төмендету, оның ішінде қаза тапқандар мен зардап шеккендердің санын азайту бағытында кең көлемде профилактикалық акциялар ұйымдастыруды, автомобиль жолдарындағы авариялық қауіпті учаскелерді анықтап, кемшіліктерді жою және ол аумақтарды жетілдірубойынша тиімді ұсыныстар енгізуді, сондай-ақ “ҚазАвтоЖол» Акционерлік қоғамымен бірлесіп, ауылдық елді мекендер мен жайылымдарға жақын автомобиль жолдарының бойына жануарлардың ретсіз шығуын болдырмау мақсатында қоршауларды кезең-кезеңімен орнатуды қарастыруды тапсырды.