Тарихи орынға тазарту жұмыстары жүргізілді
Бүгін "Таза Қазақстан – таза аймақ" экологиялық акциясының "Киелі мекен" апталығы аясында Қоғалыкөл ауылындағы "Қышқала" қалашығына тазарту жұмыстары жүргізілді. Тұрғындар қалашық айналасын қоқыстардан тазартып, тарихи орынның тазалығының сақталуына үлестерін қосты."Қышқала" қалашығы – ерекше сәулет ескерткіштерінің бірі. XIII-ХV ғғ. өмір сүрген қала орны 1243 жылдан бері "Қышқала" аталып келеді. Қалашық Қоғалыкөл ауылының маңында 3 шақырым жерде орналасқан. Бұл жерге 2018 жылдан бері археологиялық қазба жұмыстары ұйымдастырылды.
