Мемлекет басшысы Нұрсұлтан Әбішұлы Назарбаев халыққа арнаған Жолдауларында әлеуметтік аз қамтамасыз етілген халықтың осал топтарын қолдауға басымдық береді. Жолдаудан туындаған міндеттерді орындау аясында ел үкіметі мен атқарушы билік тиісті жұмыстарды жүзеге асыруда. Соған сәйкес, 2015 жылдан бастап Сырдария ауданы орталығында «Әлеуметтік дүкен» ашылды. Бүгінде аталған дүкен кент орталығындағы 154 әлеуметтік аз қамтамасыз етілген отбасындағы 771 адамды азық-түліктің 5 түрімен нарықтағы бағадан 30 пайыз жеңілдікпен, ал 7 және одан да көп балалары бар отбасыларын 50 пайыздық жеңілдікпен қамтамасыз етіп келеді.