«Қорқыт» телехикаясы төрт елде көрсетіледі

«Қорқыт» телехикаясы Түркия, Әзербайжан, Өзбекстан, Қырғызстан телеарналарынан көрсетіледі, деп хабарлайды Egemen.kz. 

«Қазақстан» телерадиокорпорациясы түсірген «Қорқыт» биографиялық драмасы  Түркияның «TRT», Әзербайжанның «AzTV», CBC TV арналары, Қырғызстанның «КТРК» және Өзбекстан мемлекеттік телерадиокомпаниясы арқылы түркі мемлекеттерінің аудиториясына ұсынылады. Телехикая аталған елдерде түрік, қырғыз, әзербайжан, орыс тіліндегі дубляжбен  тамашалай алады.

Төрт бөлімді тарихи драманы «Қазақстан» Корпорациясы Өзбекстан және Қырғызстан елдерімен бірлесе түсірді. Телехикаяның түсірілім жұмыстары Алматы облысы мен Өзбекстанның Хиуа қаласында жүргізілді.

Сериалда қырғыздың атақты манасшысы Рысбай Исақов пен танымал актері Аскат Сулаймановтың рөлдері бар.

Телехикаяның отандық арнадағы тұсаукесері «Qazaqstan» ұлттық телеарнасынан 16-17 желтоқсан күндеріне жоспарланған.

Фото: qazaqstantv