Тіршілік тынысы Tirshilik-tynysy.kz ақпараттық агенттігі
» » Заң бұзушылықтарды жою жөнінде 212 нұсқама берілген

Заң бұзушылықтарды жою жөнінде 212 нұсқама берілген

Жыл басынан бері бақылау жөніндегі басқарманың ықпалымен 250 тексеріс жүргізіліп, анықталған заң бұзушылықтарды жою жөнінде 212 нұсқама берілді. Бұл турады Өңірлік коммуникациялар қызметінің ақпарат алаңында өткен брифингте облыстық бақылау жөніндегі басқармасы басшысының міндетін атқарушы Марат Мырзабеков хабарлады.

– Биыл біздің басқармамен көрсетілетін 5 түрлі мемлекеттік қызметті алуға «Е-лицензирование» порталы арқылы 968 өтініш 
келіп түсті. Оның 446-ы лицензиялар мен аттестаттарға берілсе, 238 өтініш тұлғалар біліктілік талаптарына сәйкес келмеуі және құжаттарын толық ұсынбауы себепті бас тартылды. Қалған 284 өтінім тұлғалардың өз арыздарына сәйкес кері қайтарылған. Сондай-ақ, жыл басынан бері облыстың еңбек инспекторлары 18 кәсіпорынның жұмыскерлерге берілетін жалақысы бойынша 32,2 млн.теңге берешегін анықтаған. Қабылданған шаралардың нәтижесінде, 205 жұмыскердің берешегі өтеліп, жұмыс берушілерге заң аясында айыппұл салынды, - деді Марат Мырзабеков.

Қызылорда облысының Өңірлік коммуникациялар қызметі
24 қараша 2023 ж. 60 0