Денсаулық фестивалі өтті

Сырдария ауданында Астана күні мерекесіне орай және "Есірткісіз аймақ" жобасын іске асыру мақсатында Жастар ресурстық орталығының ұйымдастыруымен "Жеңімпаз бол" денсаулық фестивалі өтті.

Салауатты өмір салтын насихаттау, тұрғындарды денсаулығына көңіл бөлуге үндеу мақсатында ұйымдастырылған фестивальде ашық аспан астында дәрігерлер қабылдауы мен спорттық сайыстар ұйымдастырылды.

Спорттық сайыста кермеге (турникке) тартылу, 100 метр қашықтыққа жүгіру, ұзындыққа секіруден аудан жастары өзара бақ сынап, мықтылары тартысты доданың жеңімпазы атанды.

Жеңімпаздарға бағалы сыйлықтар мен сертификаттар беріліп, дипломдар табысталды.