"Ауыл аманаты" жобасы аясында азаматтарға 2,5 пайыздық несие беріледі

Аудан әкімі Б.Сәрменбаев бекіткен жұмысшы топ "Ауыл Аманаты" жобасы аясында өңірге бөлініп отырған "2,5 пайыздық несие қаражатын ұтымды пайдаланудың жолдары" тақырыбында Сырдария ауданына қарасты ауыл округтерді аралап түсіндірме жұмыстарын өткізді.

Жиынға аудан әкімінің орынбасарлары Димаш Байдушев, Талғат Нұртазаев және жауапты бөлім басшылары,ауылдық округ әкімдері мен жергілікті депутаттар қатысты.

Жиын барысында жұмысшы топ 2,5 пайыздық несие қаражатын алудың жолдары мен шарттары мен қаржыландыру бағыттарын тұрғындарға толықтай түсіндірді.

"Ауыл Аманаты" жобасының негізгі қаржыландыру бағыттары:
1) Өңдеу саласына қатысты жобалар;
2) Өсімдік шаруашылығын дамыту;
3) ауыл шаруашылығы коперативтерін жабдықтау;
4) мал шаруашылығын дамыту;
5) басқа бағыттағы бизнес жобалар;

Несиенің негізгі шарттары:
1) шағын несие мерзімі 5 жылға дейін; мал шаруашылығындағы жобалар үшін 7 жылға дейін;
2) шағын несиенің ең жоғарғы сомасы - ауылдық елді мекендер мен шағын қалаларда 2,5 АЕК, яғни (8.6 млн теңге), зәкірлік кооперация – шағын және орта шаруа (фермерлік) қожалықтары және/немесе ауыл шаруашылығы кооперативтері үшін 8 мың АЕК (27.6 млн теңге) дейін;
3) сыйақы мөлшері жылына 2.5 пайыздан аспайды;

Несие талаптары:
1) несие алушы жеке кәсіпкер ретінде тіркеуде болуы тиіс;
2) басқа несиелері бойынша мерзімі өткен жарналар болмауы керек;
3) Мемлекеттік кірістер органдарында берешек болмауы тиіс;
4) кепілмен қамтамасыз ету;
5) зейнет жасына жетпеген;
6) Ауыл шаруашылығын жүргізу үшін қажетті жағдайдың (жер телімі, қораның) болуы қажет;

Жоба әкімшісі ретінде облыстық ауыл шаруашылығы және қатынастары басқармасы белгіленсе , сенімді өкіл ретінде "Байқоңыр" ӘКК" ҰҚ" белгіленіп отыр. Ал, жоба "Өңірлік инвестиция орталығы" МҚҰ арқылы жүзеге асырылатын болады.