Тіршілік тынысы Tirshilik-tynysy.kz ақпараттық агенттігі
» » Мемлекеттік қызмет – абыройлы міндет

Мемлекеттік қызмет – абыройлы міндет

Мемлекеттік қызмет – мем­лекеттік қыз­мет­шінің мемлекеттік биліктің міндеттері мен қызметтерін мемлекеттік органдарда атқаратын қызметі. Мемлекеттік қызметші мемлекеттік биліктің айнасы деуге болады. Олар­ға  жоғары талаптардың қойылатындығы да содан. Мемлекеттік қызметші білімді, адал, әділетті жә­не өз елінің патриоты болуы тиіс. 

Әлемдегі мемлекеттердің дамуына мем­лекеттік қызметкердің қосар үлесі мен сал­мағы ерекше екені даусыз. Мемлекеттік қыз­метші қарапайым халық пен мемлекеттік биліктің арасындағы байланыстыратын бір буыны болғандықтан, оның жұмысы халыққа сапалы қызмет көрсетуімен бағаланады.  

Халыққа қызмет ету қашан да абыройлы міндет  болғанымен, сенім артқан жандардың үмітін ақтау, көптің көңілінен шығу да оңай шаруа емес. Сот жүйесі биліктің үшінші тар­мағы, мұнда келетін азаматтардың басым бөлігі бірнеше мекеменің табалдырығын тоздырып төзімдері таусылып, ашу-ызамен, аг­рес­сиямен келіп жатады. Сондықтан мем­ле­кеттік қызмет кез келген жағдайдан шешім тауып шыға алатын, жылдамдылық, төзімділік мінезді де талап етеді.

Еліміздің өркендеуі, дамуы, мемлекеттік қызметшілердің білімі мен бі­лік­тілігіне тіке­лей байланысты. Соны­мен қатар үлкен жа­уап­­­­­кершілік те талап етіледі. Мемлекеттік қызметшілердің ең басты міндеті – халыққа адал қызмет ету. Әрбір мемлекеттік қызметші осы қағиданы ұмытпауы тиіс. Мемлекеттік қыз­мет­ші қызмет бабында, қо­ғам­дық ортада заң талаптарын сақтап, сыбай­лас жемқорлықтан алшақ жүріп, қарапайымдылық танытып, өзін ортада дұрыс ұ
с­тау арқылы халықтың мемлекетке деген сені­мін орната алуы керек.

Мемлекеттік қызметшінің міндеттері мен бір­ге құқықтық жағдайы,  әлеуметтік қорғалуы «Қазақстан Республикасының мемлекеттік қыз­меті туралы» Заңымен реттеледі.

Олжас Дүйсенов,
аудандық соттың жетекші маманы
11 ақпан 2023 ж. 237 0