Мұздағы қауіпсіздік ережесі түсіндірілуде

Қазіргі таңдағы күрделі мәселелердің бірі – азаматтардың мұз үстінде жүру тәртібін сақтамауы болып отыр. Көп жағдайда мұз үстіне балық аулау үшін немесе жол қысқарту мақсатында дарияны кесіп өтетіндігі бәрімізге мәлім, дегенмен де өз өмірін тәуекелге тігіп, сақтық шараларын ұмытуға болмайтындығын әрқашан естен шығармаған абзал.Осы орайда, мұз үстіндегі қарапайым қауіпсіздік ережелерін қатаң сақтау маңызды.

Сырдария ауданы бойынша төтенше жағдайлар бөлімінің қызметкерлері қыс мезгілінде туындауы мүмкін төтенше жағдайлардың алдын алу мақсатында аудан аумағындағы мұз басқан су айдындарына рейд жұмыстарын жүргізді. Іс-шара барысында 20 балық аулаушыға қауіпсіздік қағидасы түсіндіріліп, 20 үнпарақ таратылды.

Сырдария ауданы бойынша төтенше жағдайлар бөлімі