Ел тұтастығын сақтаған абзал

Күллі қазақ жұртшылығының қа­быр­­­­­­­ғасын қайыстырған «Қасіретті қаң­­­тар» оқиғасының орын алғанына бір жыл­ то­лып отыр. Тәуелсіздігімізге сы­­­зат тү­­сіруге ұмтылып, халықтың ты­­­­­ныш­тығын бұз­ған жандар лайықты жа­­­за­сын алуы тиіс.

Егемендік алған жылдары қазақ елі әлемге мызғымас татулығымен танылды. Сондықтан бізге ел бірлігінің тұтас­тығын сақтап, өзге елге үлгі бола білуіміз керек. Азаттық тарихындағы мұндай қасіретті оқиға біздің ынты­мағымыздың одан сайын мықты бо­лу керектігін көрсетті. Сол себепті де Қаңтар оқиғасында қаскөйлерге тос­қа­уыл жасап, егемендік жолында қай­­рат­керлікпен қаза тапқан қаншама боз­дақ­тарымыз ел есінде мәңгі сақта­ла­ды.

Бүлік, ел ішіне ылаң салу жарқын болашақты қалыптастыруға орасан ке­дергі келтіреді. Жастарымыз өзгенің же­тегіне ермей, азаматтық көзқара­сын танытуы керек. Бейбіт күннің қадірін ата-бабамыз айқын сезінген. Ел ішіне іріткі салудан ешбір ұтпасымыз анық. Қаншама дүниені қалпына келтіру үшін азаматтар қажыр-қайратын жұм­сады. Қаңтар қырғынына қатысқан өрім­дей жастардың қателігін кешіріп, оларға дұрыс жолды көрсете білген абзал. Қанаушылық, тонаушылық іс-әрекеттің арты қайғылы жағдайларға апаратындығын ескерткен дұрыс. 

Кеше еліміздегі бірнеше телеарнада «Қаңтар оқиғасына» байланысты кеңінен ақпа­рат берілді. Оқиғаның қалай басталып, елдің дүрлігуіне себепкер болған жекелеген факторларды көзіміз шалды. Алдағы уақытта мұндай жағдайлар орын алмаса екен. Ұрпағымыздың бейбіт күнде ер жетке­нін қалаймыз.

Мұса КЕЛДІБАЕВ,
аудандық ардагерлер кеңесінің төрағасы