«Өрлеу» сыйлығы кімдерге беріледі?

Жыл сайын ауданның белсенді, шығармашыл, үздік жастарына аудан әкімінің «Өрлеу» жас­тар сыйлығы беріледі. Биыл да аталған сыйлыққа қатысушылардың қа­расы қалың болып, ко­миссияға 10 аталым бо­йынша 42 азаматтың құжаты келіп, осы аптада комиссияның қорытынды отырысы ұйымдастырылды.

Аудан әкімінің орынбасары Димаш Байдушев төрағалық ететін комиссия мүшелері үміткер азаматарды жеке қа­былдап, тиісті сұрақ­тарын қойып, та­лапқа сай әңгімелесу кезеңін өткізді. Айта кету керек, комис­сияға түрлі себептермен бір­қатар үміткер қатысқан жоқ.

Аудан әкімінің жастарға арналған сыйлығы кәсіпкерлік, білім және ғы­лым, денсаулық сақтау, өнер мен мә­дениет, ауыл шаруашылығы, спорт, мемлекеттік қызмет, әскери және құ­қық қорғау, журналистика салалары, еріктілік қызметті қамтыды. Осы­ның ішінде білім мен мәдениет сала­лары бойынша құжат тапсырушылар көп болды. Комиссия ашық, еркін фор­матта ұйымдастырылды және бар­лық үміткердің сұрақтарға дұрыс, жүйе­лі жауап беруі, өзінің жоспары мен мақсатын түсіндіруі, жетістіктерін жет­кізуі бағаланды. Сондай-ақ комиссия мүшелері үміткерлердің ауданның әлеуметтік-эко­номикалық, қоғамдық-саяси дамуына қосқан үлесі мен бел­сен­ділігіне ерекше назар аударды.

Комиссия қорытындысында әр аталым бойынша бір үміткер марапатта­латын болып, ашық дауыс беру тәр­тібімен жеңімпаздар анықталды.

Негізі, аудан әкімінің «Өрлеу» жас­тар сыйлығымен марапаттау аудан жас­тарының «Жетістікке жетелейтін Жаңа Қазақстан» атты дәстүрлі XIV форумында ұйымдастырылады деп жоспарлануда. Сыйлық иегерлеріне бір реттік 100 мың теңге көлемінде сыйақы, ес­телік сыйлық беріледі. Форумға аудан әкімі, аудандық мәслихат депутаттары, белсенді жастар және «Өрлеу» сыйлығының бұған дейінгі иегерлері қа­тысады.

Өз кезегінде аудандық газет редакциясы мен аудандық жастар ре­сурстық орталығы «Өрлеу» жастар сый­лығының иегерлерін жұртшылыққа таныту, оларға шығармашылық шабыт сыйлау мақсатында ақпараттық қолдау көрсетуді жалғастырады. Ол үшін жергілікті басылымда арнайы айдар ашылып, өз саласында белсенді еңбек етіп жүрген аудан жастарының еңбегі жыл көлемінде насихатталатын болады.

«ТТ» ақпарат