Сырдария ауданының жастары дағдарыс орталығына кітап сыйлады

Еліміздің болашағын баянды қылып сақтаудың кілті рухани жаңғыруда.

Бұл идеяны елдің ертеңі, қоғамның қозғаушы күші саналатын зиялы қауымда, жастар да қызу қуаттайды.

Сырдария аудандық жастар ресурстық орталығы жанынан ашылған «Кітап оқиық» кітап клубы арқылы аудан жастары "Қамқорлық" дағдарыс орталығына кітап сыйлады.

Сырдария ауданының жастары "Қамқорлық" дағдарыс орталығына барып, өмірдің қиын жағдайына түскен және отбасылық зорлық-зомбылығына тап болған жандарға аз уақыт болса уайымын сейілтуге үлес қосты.

Дағдарыс орталығының мамандары мен қызмет алушылар өз алғыстарын жеткізіп, жастардың отбастарына амандық тіледі.

Барлық игі бастамаға қолдау білдірген аудан жастарына айтар алғысымыз шексіз.