eGov.kz жүйесінен ақау шықты
eGov.kz порталының жұмысында ақау шықты. Сондай-ақ, Қазақстандағы халыққа қызмет көрсету орталықтары мен екінші деңгейлі банктерде де мемлекеттік қызметтер қолжетімсіз, - деп хабарлайды Tengrinews.kz."Ұлттық ақпараттық технологиялар" (ҰАТ) компаниясы мәліметінше, eGov.kz пен "Ашық үкімет" порталының, eGov мобильді қосымшасының және жеке тұлғалардың мемлекеттік деректер базасы дұрыс жұмыс істемей тұр.
"Халыққа қызмет көрсету орталықтарында және екінші деңгейлі банктерде мемлекеттік қызметтерді көрсету қолжетімсіз. Қазір тізімде көрсетілген порталдарды қалпына келтіру жұмыстары жүргізіліп жатыр. Уақытша қолайсыздықтар үшін кешірім сұраймыз", - делінген компания хабарламасында.
