Геосаяси тәуекелдер теңгеге қатты қысым көрсетті
Геосаяси тәуекелдер мен рубль бағамының құбылмалылығы теңгеге қатты қысым көрсетті. Бұл туралы Ұлттық банк төрағасы Ғалымжан Пірматов айтты, деп хабарлайды ҚазАқпарат.«Геосаяси тәуекелдер мен рубль бағамының жоғары құбылмалылығы теңге бағамына қатты қысым көрсетті. Осы жағдайда қаржы тұрақтылығын қамтамасыз ету және теңге бағамын тұрақсыздандыратын ауытқуларға жол бермеу мақсатында валюта нарығын теңдестіру жөнінде бірқатар шаралар қабылданды», - деді Ұлттық банк төрағасы Үкіметтің кеңейтілген отырысында.
Ғалымжан Пірматовтың атап өтуінше, Ұлттық банктің нақты валюталық интервенциялары дағдарыс кезеңінде валюта нарығының қалыпты жұмыс істеуін қамтамасыз етті.
