20 тәулікке әкімшілік қамаққа алынды

Сырдария аудандық сотында Қазақстан Республикасының ӘҚБтК-нің 608-бабының 6-бөлігімен азамат Ұ-қа қатысты әкімшілік құқық бұзушылық туралы іс қаралды.

Іс материалдарына сәйкес, азамат Ұ. көлік құралын басқаруға құқығы жоқ адам бола тұра, 2022 жылғы 27 мамыр күні сағат 14:30 шамасында А.Тоқмағамбетов ауылы, Абай көшесінің бойында көлік құралын алкогольдік масаң күйінде басқарған.

Сот отырысында азамат Ұ. кінәсін толық мойындап, көлік құралын басқаруға құқығы жоқ бола тұра көлік құралын алкогольдік масаң күйінде басқарғаны үшін шын жүректен өкінетінін көрсетті.

Сот қаулысымен азамат Ұ. Қазақстан Республикасының Әкімшілік құқық бұзушылық туралы кодексінің 608-бабының 6-бөлігімен кінәлі деп танылып, 20 (жиырма) тәулікке әкімшілік қамаққа алынды.

Сырдария аудандық сотының баспасөз қызметі