Мемлекет мәселесі мемлекеттік тілде айтылады

Мемлекет басшысының «Ұлттық арна­ға» берген сұхбатында еліміз үшін ма­ңыз­ды кезеңнің басталғанын айтты. «Жа­­ңа Қазақстан» идеясын жүзеге асыру жолындағы баста­ма­лардың авторы ре­тінде еліміздің бола­шағы айқындалды.

Ел Президенті ең алдымен ана тілдің қадір-қасиеті туралы айтып, тілге ең алдымен өзіміз құрмет көрсетуіміз керектігін ата­ды. Мемлекеттің мәселесі мемлекеттік тіл­де айтылатынын жеткізіп, тіліміз бізден бас­қа ешкімге керек еместігіне тоқталды. Шынында қазақ тілінің өміршеңдігі тек өзі­мізге байланысты. Сондықтан тілге деген құрмет елдігімізге деген құрметпен пара-пар.

Президент жыл басында болған қаңтар оқиғасына жан жақты талдау жасады. Тәуелсіз мемлекетімізде бірінші рет болған мұндай қасірет ендігі кезде болмауы үшін елдің әлеуметтік мәселелері алдыңғы кезекте шешілетінін алға тартты.

Бүгінгі қоғамдағы заң үстемідігін қам­тамасыз ету ең басты мәселеге айналғаны сұхбат барысында айтылды. Өркениетті ел болуды көздеп, әділетті қоғам іздесек заң үстемдігі ал­дыңғы қатарда болуы заңды. Тәртіп болған жерде өмір сүруіміз жақсаратыны анық.

Шаһарбек НҰРСЕЙІТОВ,
халықаралық «Қазақ тілі қоғамы» ҚБ аудандық
филиал төрағасы