Тіршілік тынысы Сырдария аудандық қоғамдық-саяси газет
» » Егемен елдің келешегі жарқын

Егемен елдің келешегі жарқын

Апта ағымында ел Тәуелсіздігінің 30 жылдығы мерейлі мерекесі аясында Қазақстан халқы ассам­блея­сы жанында­ғы ақ­параттық-түсінді­ру тобының мүшелері «Қазақстанның Тә­уелсіздік жыл­дарындағы жетіс­тіктері» тақырыбында аудан тұрғындарымен кездесу өткізді.
Кездесуге белгілі журналист-дип­ломат, қоғам қайраткері Ержан­ Уәйіс, облыстық «Қоғамдық ке­лісім»­ КММ-нің директорының орын­­­­басары Фархад Халилул­лаев, аудандық ардагерлер кеңесінің тө­р­а­ғасы Мұса Келдібаев, «Сырдария ауданының әйелдері» қоғамдық бір­­­­лес­тігінің төрайымы Ұлмекен Жа­н­­­­ә­лиева, аудандық ішкі саясат бөлі­мінің бас маманы Бейбіт Смайлов «Қо­ғам­дық келісім» КММ-нің Сырдария ауданындағы этносаралық қа­тынастар жөніндегі сарапшысы Абай Мей­рамбеков, өзге этнос өкілдері, кәсі­би емес медиаторлар, ұстаздар қатысты.
Дөңгелік үстел барысында ақпа­раттық-түсіндіру тобының мүше­лері ел Тәуелсіздігі жылдарында респуб­лика көлемінде қол жеткізген тола­йым табыстарды тілге тиек етті. Егемен ел ретінде қалыптасқан басым бағыттарға тоқталды.
– Әлем картасында Қазақстан Рес­публикасының пайда болуы – осы­дан 30 жыл бұрын әрбір ел аза­матының мерейін тасытты. Кең бай­тақ жазиралы жерімізге иелік етіп, өз шекарамызды бекіткен болатынбыз. Міне, егемендіктің әр жылында саяси реформалар жүзеге асып, экономикалық, әлеуметтік секілді көп­­теген мәселелер өздігінен бір ізге түсе бастады. Көршілес мемлекеттермен саяси қарым-қатынас берік орнап, барлық жағынан тәжірибе алмасу жүргізілді. Осы 30 жыл уақытта еліміздің рухани құндылықтары, тіліміз, дініміз, діліміз қайта жаң­ғырып, ұлттың әдебиеті мен мәде­ниеті, ұлтаралық өзара байланысы жандана түсті. Сонымен бірге, дау-дамайды дер кезінде тоқтату, екі жақ­ты бітістіру маңызды рөлге ие, – деді Ержан Уәйіс.
Келелі кездесуде жиналған көп­шілік егемендік жылдарындағы ат­қарылған жүйелі жұмыстар мен тың бастамалар жөнінде пікір алмас­ты. Өз кезегінде кәсіби емес медиа­­торлар облыс әкімінің орынбасары Серік Ахметтің «Алғыс хатына» ие болды. Ал облыс орталығында өткізілген «Медиацияға 10 жыл» форумында «Қоғамдық келісім» КММ-нің Сырдария ауданындағы этнос­аралық қатынастар жөніндегі сарапшысы Абай Мейрамбеков құрмет төрінен көрінді.

Балтабай ОРДАБЕКОВ
23 қазан 2021 ж. 87 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам