Алғашқы сайлауына қатысты
Іңкәрдариялық Қорғанбай Нұрдәулет 18 жасқа осыдан үш ай бұрын толғандықтан, бұл оның алғаш рет сайлауға қатысуы екен. – Сайлауға қатысуға мүмкіндік туғанын білгенде қатты қуандым.
Өйткені саяси науқанға қатысу, ауыл өмірін жақсартуға үлес қосу арманым болатын.
Сайлауға келмес бұрын әкім болуға ниетті 3 үміткердің де сайлауалды бағдарламаларымен танысып шықтым.
Сонымен қатар 3 үміткердің осы уақытқа дейінгі атқарған жұмыстарын біліп, өз таңдауымды жасадым. Осылайша алғашқы сайлауыма да қатыстым.
Менің дауысым ауылымның дамуына үлес қосып жатса, қуанышым шексіз. Баршаңызды мен секілді дауыс беру арқылы ауылдың әлеуметтік-экономикалық дамуына үлес қосуға шақырамын, – деді ауыл тұрғыны Қорғанбай Нұрдәулет.
