Әскери ант алдында курсанттар қарудан оқ атты

Қызылорда гарнизонында әскери-техникалық мектептің курсанттары әскери ант қабылдау алдындағы оқу жоспарына сай екінші рет қарудан оқ атуларын орындады.

Әскери-техникалық мектептің барлық сарбаздары өздерінің әскери ант қабылдау рәсіміне дейін екі рет қарудан оқ ату тәжірибесінен өтеді. Алғашқы оқ ату іс-тәжірибесінен өткен 25 сарбаз екінші рет оқ атуларын да аяқтады. 

Теориялық сабақтарды меңгеріп, әскери тәртіпке бой алдырған және білімдерін атыс алаңында қару ұстап шыңдап жатқан сарбаздардың қуаныштарында шек жоқ. Өйткені, 4 күннен соң әскери ант қабылдау рәсімі. Тактикалық дайындықты жете меңгерген сарбаздардың екінші атыстағы көрсеткен нәтижелері біріншіге қарағанда өте жақсы. Айта кетейік, атыс санитарлық-эпидемиологиялық талаптары мен нормаларын сақтай отырып өткізілді.

 

– Алғашқы оқ атудағы болған қобалжуды сезінбедім. Өзіме деген ерекше сенімім байқалды. Көрсеткем нәтижем де біріншісіне қарағанда жоғары. Осының бәрі әскери мектеп оқытушыларының еңбегі деп білемін. Бүгін өзімізді нағыз сарбаз ретінде сезіндім, - дейді Қызылорда қаласы әскери-техникалық мектебінің түлегі курсант Қосым Қалданов.

Әскери-техникалық мектебі қысқа мерзім аралығында курсанттардың қарудан оқ атуынан басқа да, көптеген әскери өмірдің қыр-сырын меңгеруіне де мүмкіндік береді.

Мұхит Қонаров,

Қызылорда гарнизоны баспасөз қызметінің бастығы

лейтенант