Келіннің тапқырлығын білесіз бе?

Арқа жақтан оңтүстікке келе жатқан бір топ жолаушы екінді уақытында бір ауылға жақындап, құдықтан су алып жатқан жас келінге:

Мынау қай ауыл, біздер алыстан келе жатқан жолаушы едік, «екіндіде ел тастама» деген, қонып, ат шалдырып, тынығып жүрейік деп, – дейді.
Бұл ауыл батыр адамның ауылы – деп жауап қайтарады.
Батыр атаңыз кім болады? Біз жөн біліп барайық, айтыңызшы.
Келін атасының атың атай алмайтының айтып, әдеп сақтайды. Бірақ жолаушылар:
Бұл жерде ешкім жоқ қой, атаңыздың атын айта беріңіз – деп қоймайды.
Сонда иінағашқа ілінген шелек толы суды иығына іліп жатып, келін атасын жолаушыларға былай таныстырыпты:
Сұрайсыздар қоймай,
Атамның аты дардай,
Өзге адамда жоқтай,
Тек атамда бардай!
Сөйтсе бұл ауыл «Айман-Шолпан» қиссасынан барша қазаққа белгілі Көтібар батыр Бесенұлының ауылы екен.