Тіршілік тынысы Сырдария аудандық қоғамдық-саяси газет
» » Әйелің жаман болса...

Әйелің жаман болса...

Қаз дауысты Қазыбек пен Әлібек батыр ел аралап келе жатса, жол бойында бір қария жолығады. Қарияға сәлем беріп, Әлібек батыр мынадай сауал қояды:
– Уа, ақсақал, ауыл берекесі қайтсе кетеді?
Ақсақал сәл ойланып былай дейді:
– Ауыл ақсақалы шала болса, жігіттері алты ауызды ала болса, жасы үлкеніне жасы кішісі сен десе, сол ауылдың берекесі кетеді.
Сонда Қаз дауысты Қазыбек би тұрып:
– Уа, қария, ал үй берекесі қайтсе кетеді? – дейді.
– Әйелің қабағын түйіп керілсе, шай құйып беруге ерінсе, ұлың ұрысқа сай болса, келінің керіске сай болса, қызың сумақай болса, сол үйдің берекесі кетеді, – деген екен қария.
– Ал ақсақал, не жақсы?
Ақсақал мүдірмей жауап беріпті:
– Атың жақсы болса – тіршілікте мінген пырағың. Балаң жақсы болса – жанып тұрған шырағың. Әйелің жақсы болса – досың жаныңа жиналып, риза болар қонағың.
– Ал не жаман?
– Атың шабан болса – тіршілікте көрген азабың. Балаң жаман болса – ғұмырлық көрген азабың. Әйелің жаман болса – досың сенен безініп, үйіңнен кетер қонағың, – депті қария
30 желтоқсан 2019 ж. 716 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам