"Спутник V" вакцинасының екінші дозасын салдырды

Денсаулық сақтау вице-министрі - бас мемлекеттік санитарлық дәрігер Ерлан Қиясов пен денсаулық сақтау вице-министрі Ажар Ғиният Нұр-Сұлтанны № 6 қалалық ауруханасында "Спутник V" вакцинасының екінші дозасын салдырды, - деп хабарлайды Tengrinews.kz тілшісі.

Екі доза арасында дәрігерлер ұсынған 21 күн өтті. Дәрігер вакцина салардан бұрын пациенттердің жағдайын сұрады.

Еске салайық, бас санитар дәрігер мен вице-министр 1 ақпанда коронавирусқа қарсы вакцинаның бірінші дозасын салдырған болатын.

Мемлекет басшысы Қасым-Жомарт Тоқаевтың үкімімен 1 ақпанда Қазақстанда "Спутником V" вакцинасын салу жұмыстары басталды.