290 азаматтың 57-і жүргізуші куәлігін алды

Статистикалық мәліметтерге сүйенсек, жүргізуші куәлігін алу мен көлікті тіркеу қызылордалықтар арасында ең көп тараған қызметтердің бірі болып табылады. Осы жылдың басынан бастап АвтоХҚО арқылы қала бойынша 6546, аудан бойынша 3696 жүргізуші куәлігі берілген.

Жалпы, облыс бойынша 10242 жүргізуші куәлігі алынған. Ал, egov.kz электронды үкімет порталы арқылы онлайн түрде жүргізуші куәлігін алғандар саны 6364 құрайды.

Сонымен қатар облыс бойынша жүргізуші куәлігін алу үшін 290 азамат емтихан тапсырған. Оның ішінде 57 азамат емтиханды сәтті тапсырып, жүргізуші куәлігін оңай, әрі жылдам алған.

Естеріңізге сала кетейік, қазіргі таңда жүргізуші куәлігін алу мен мерзімін ұзарту бұрынғы кезге қарағанда әлдеқайда ыңғайлы болды. Енді жүргізуші куәлігіңіздің мерзімі өткен жағдайда электрондық үкімет порталын пайдаланып, медициналық тексерістен өту арқылы жаңартуға болады.

Сонымен қатар жүргізуші куәлігін алу үшін емтиханды сынақ (пробный) ақылы түрінде күнделікті тапсыруға мүмкіндіктеріңіз бар.

«Азаматтарға арналған үкімет» мемлекеттік корпорациясы»

КЕ АҚ Қызылорда облысы бойынша филиалының баспасөз қызметі