Дағдарыс жағдайында жаңа бағытты айқындаған Жолдау

2020 жылдың 1 қыркүйек күні Қазақстан Республикасының Президенті Қасым-Жомарт Кемелұлы Тоқаев "Жаңа жағдайдағы Қазақстан: іс-қимыл кезеңі" атты кезекті халыққа жолдауында Президент дағдарыстан кейін экономика мен азаматтардың әл-ауқатын қалпына келтіру керектігін және кәсіпкерлік саласына нақты шаралар қабылдау қажеттігін айқындар берді.

Президент Жолдауының бір бағыты мемлекет дамуының негізі болып саналатын білім мен ғылым мəселелеріне арналғаны қуантады. Мемлекет басшысы жыл сайын Қазақстан ғалымдарына əлемнің жетекші ғылыми орталықтарында ғылыми тағылымдамадан өтуді, сондай-ақ «Жас ғалым» бағдарламасы аясында жас ғалымдарға 1000 грант бөлуді тапсырды. Сондай-ақ педагогтерді əлеуметтік қолдау мəселесіне ерекше назар аударды. Мемлекет басшысы болашақ білім мен ғылымды жетік меңгеруді осы қазірден талап ететінін Жолдауға дейін де айтып жүргені мәлім.

Береке мен бірлік, ақыл мен парасат халқымызды үнемі алға бастап келеді. Бағытымыз – айқын, жолымыз – ашық.

Берік АХМЕТОВ,

 Nur Otan партиясы Сырдария аудандық филиалының кеңесшісі