Тіршілік тынысы Tirshilik-tynysy.kz ақпараттық агенттігі
» » «Өзің түзел, сонан соң өзгені түзе»

«Өзің түзел, сонан соң өзгені түзе»

Біз елдегі сыбайлас жемқорлық деңгейін төмендету бағытында елеулі қадамдар жасадық. Алайда басты назар көбіне сыбайлас жемқорлықтың салдарларымен кү­ре­суге аударылып отыр. 2014 жылы қабылданған Қазақстан Республикасының 2015-2025 жылдарға арналған «Сыбайлас жемқорлыққа қарсы стратегияның» басты ерекшеліктеріне қазіргі кезеңдегі жұмыстың басым бағыттарының бірі – қоғамда сыбайлас жем­қорлыққа қарсы мәдениетті қа­лыптастыру жатады. Стратегия­да сыбайлас жемқорлық көріністеріне ықпал ететін негізгі 6 фактор нақтыланып көрсетілген. Осы факторлардың ішінде азаматтар үшін заңдар мен ережелерді дұрыс түсінбеуі себебінен орын алып жатқан жемқорлыққа қарсы мәдениетті жоғары деңгейде қа­лыптастыру керектігі көрсетілген. Сыбайлас жемқорлықпен күресте көп нәрсе бүкіл қоғамның белсене атсалысуына байланысты.

Әлеуметтік желінің, бұқаралық ақпарат құрал­дарының сыбайлас жемқорлыққа қарсы іс-әрекет барысында оны жалпы жұрт­­шылықтың жек көруі күрестің қуатты құралына айналуға тиіс. Осыған сәйкес ең алдымен бүгінгі бала, ертеңгі мемлекеттік қызметкердің отбасында тәлім-тәрбие дұрыс бол­ғаны абзал. Тәрбие от басынан басталады. Ата-ана­сының шарауаны пара беру арқылы шешетінін, не пара алу арқылы өздерінің материалдық жағдайын жақсартып отырғанын көріп өскен бала бұл жағ­дайды орынды, яғни солай болуы керек екен деп түсінеді. Сондықтан әрбір отбасы осы мәселеге аса мән беруі тиіс.

Еліміздің болашағына кесірін тигізетін індетке осы бастан тоқтау қоймаса, мемлекетте тұрақты өсіп-өркендеу болмайтындығын ұғынуымыз керек. Сыбайлас жемқорлықпен түбегейлі күресу үшін халықтың құқықтық сауатсыздығын жоятын, құқықты түсіндіру жұмысының сапасын арттырудың маңызы зор. Қа­зақстан Республикасының мемлекет­тік саясатының негізгі басымдықтарының бірі заңсыздықпен кү­ре­­су бо­лып табылады. Біздің қоғамда сыбайлас жемқорлыққа орын жоқ. Қоғамның барлық күш жігерін біріктіріп, қоғам дертінің одан әрі таралмауы үшін барлық амалдарын қолдану арқылы түбегейлі қарсы тұру баршаның міндеті. Қазақтың «Өзiң түзел, сонан соң өзгенi түзе» деген нақыл сөзін баршамыз санамызға сіңірсек, болашақ ұрпақ тәрбиесіне мол септігін тигізері анық.

Қ.ЖҮСІПОВ,
Асқар Тоқмағамбетов ауылдық округі әкімі аппаратының
жетекші маманы

27 маусым 2020 ж. 412 0