Байқаңыз, су-тілсіз жау!

Бәрімізге белгілі, жылдың маусым, шілде, тамыз айларында күннің температурасы 40-45 градусқа дейін жоғарылап, аудан тұрғындары кез келген жерлерге суға шомылып жатады. Суда азаматтардың (балалар) қаза болуына Сырдария өзені мен каналдардың кез келген әрі зерттелмеген (ағысы жылдам, терең, жағалары тік жар) жерлеріне, судың салқындығын ескермей, спирттік ішімдік ішіп, суға түсу, сонымен қатар жүзе білмегендігі қайғылы оқиғаларға әкеледі.

Судағы қайғылы жағдайға ұшырамас үшін шомылушы суда қарапайым өзін-өзі ұстау ережесін сақтау керек:

– тыйым салынған жерлерге шомылуға;

– шектейтін белгілерден асып сүңгуге болмайды, суға көпір­лерден, жағалаудағы бөгетшелерден секіруге;

– шомылып жүрген балаларды қараусыз қалдыруға;

– өтіп бара жатқан қайықтар мен катерлерге жақын жүзіп келуге;

– мас күйінде шомылуға болмайды.

Егер Сіз қайықта болсаңыз:

– құтқару құралдарынсыз қайықты пайдаланбаңыз;

– қараңғы батысымен қайықты қолданбаңыз;

– қайықтан суға сүңгімеңіз, суда бір қайықтан екінші қайыққа ауыспаңыз;

– кішігірім қайықта тік тұрмаңыз;

– қайықтың ернеуіне және басқа бөлігіне отырмаңыз;

– техникалық паспортында көрсетілген мөлшерінен көп жолаушылар мен жүкті алмаңыз;

– мас күйінде қайықпен жүзбеңіз;

– қараусыз қалған және техникалық жөндеуге келмейтін қайықтарды қолданбаңыз.

Осы ережелерді сақтамау су қоймаларында жиі қайғылы жағ­дайдың болуына әкеп соқтырады.

Айтып келмейтін табиғи құбылыстар су, от, дауыл-жел тілсіз жау екенін ұмытпаңыздар.

Сырдария ауданының
төтенше жағдайлар бөлімі