Бас редактор Наурыз мерекесімен құттықтады

Құрметті жерлестер!

Сіздерді және жақындарыңызды Ұлыстың Ұлы күні әз-Наурыз мерекесімен шын жүректен құттықтаймын!
Шуақты көктеммен бірге дүниені жайнатып, тіршілікті түрлендіріп келген Наурыз – барша берекенің бастауы, ырыстың алды, ынтымақтың ұйытқысы. Күн мен түн теңеліп, жұртшылық баққа кенелген бұл күнді халқымыз Ұлыстың ұлы күні деп әспеттеген. Өткенге салауат айтып, бұрынғы өкпе-реніштерін кешіріскен. Келер күнге үмітін жалғап, жоба-жоспарларын түзіскен.
Сізді осынау береке мен бірлік, теңдік пен кеңдік, даму мен өркендеу күнімен құттықтай отырып, отбасыңызға амандық, сарқылмас құт-қазына, мол ырыздық тілеймін. Қабырғалы қалың еліміз, айбынды жұртымыз аман болсын. Жаратқан әрдайым жар болып, төтеннен келер кесірден сақтасын. Кәсіптеріңіз берекелі болғай! Ұлыс оң, ақ мол болсын!

Құрметпен:

Ақтөре Ибрагимұлы,

Сырдария аудандық "Тіршілік тынысы" газетінің Бас редакторы, Қазақстан Журналистер Одағының мүшесі.