Музейді тамашалаған Асылжан
Аудандық тарихи-өлкетану музейі "Музейлер шеруі" атты жалпыреспубликалық акция аясында өткізген «Музей түні» іс-шарасына қатысқан ең кішкентай келуші Асылжан Аманқос болды. Асылжан №35 И.Тоқтыбаев атындағы мектеп-лицейдің "Даярлық А" тобында оқиды. Ол бес жаста. кішкентай оқушының музейге бұл алғаш келуі.Музей залдарын аралап көрген Асылжанды музейдің археология залындағы "Бес қару" экспозициясы қызықтырды. Бұрын соңды кітаптардан немесе теледидардан көретін бұл жәдігерлерді шынайы түрде көргеніне таң қалды. Ата-бабалардың бұрынғы заманда жауға қарсы қолданған найза, қылыш, шоқпар, айбалта, қалқан сияқты қару жайлы мағлұмат алып, танымын кеңейтті.
"ТТ ақпарат"
