Денсаулыққа бей-жай қарамаңыз
Бүгінде мерез, соз, трихоманиаз, хламидиоз және басқа жыныстық жолмен жұғатын аурулар халық денсаулығына қатерлі қауіп төндіретін індеттің бірі болып келеді. Бұл аурулар басқа жұқпалы індеттен көрі қоршаған ортаның әсеріне көбірек душар болады. Венериялық аурулар ішіндегі қеңінен таралған мерез ауруы.Мерезбен аурушаңдылығы құрамының басым бөлігі жасырын түрінің үлесіне келеді.Мерез (сифилис) - созылмалы жұқпалы індет. Көбіне мерез жыныстық жолмен жұғады. Мерезбен ауыратын адамның қанын дені сау адамға құю арқылы - гемотрансфузиялық жұғу жолы. Науқас анадан жатыр арқылы баласына жұғады, әсіресе туабіткен мерезге -плацентарлы жұғу жолы. Ауыз қуысында мерездің жаралары болған жағдайда, науқастың сілекейі арқылы (сүйісу, бір ыдыстан су ішу, тіс щеткасын пайдалану арқылы).
Қандай белгілерге мән беру керек?
- Тері жабындыларында себепсіз түрлі көлемді қызғылт түсті бөртпелер, ағарған дақтар пайда болуына;
- Аймақтық лимфа түйіндеріңіздің ұлғайып, ауырмайтындығына;
- Шаштарыңыздың түсе бастағанына;
- Дауысыңыздың себепсіз қарлығуына;
- Жұтынғанда көмейіңізде кедергі сезсеңіз, бірақ ауырғаны байқалмаса.
Жыныстық жолмен жұғатын аурулардан қалай қорғануға болады?
Егер Сіз 12 жасқа толсаңыз міндетті түрде жылына 1 рет мерезге тексеріліп тұру қажет. Кездейсоқ жыныстық қатынастан аулақ болыңыз. Жеке басыңыздың тазалығын сақтаңыз және өзіңізбен жыныстық байланыста болған адамыңыздан да осыны талап етіңіз. Жыныс жолымен жұғатын инфекциялар – ауыз қуысы және тік ішек арқылы да жұғады. Мүшеқап,пайдаланыңыз. Қорғанудың тиімді жолы – бір адамнан ғана емес жыныстық байланыста болу жұбайыңызға адалдық сақтау. Өз бетіңізше ем жасамаңыз!
Есте сақтаңыз: нақты диагнозын тек арнайы маман қояды. Мерез ауруының адам ағзасына келтіретін ең қауіпті әсерлері: отбасы мүшелеріне жұқтыру ең үлкен қауіп болып табылады – тұрмыстық жағдайда жұғуынан сақтана білу қажет. Жатырда жатқан баланың анасынан ауру жұқтырып – іште өліп қалуы. Түсік тастауы. Бала дүниеге келгенде түрлі ауытқушылықтардың белгілерінің болуы. Сол үшін денсаулығыңызға салғырттық танытпағаныңыз абзал.
С.Маханбетов,
дәрігер-дерматовенеролог
