Жоспарлы аудит жүргізілді

Қызылорда облыстық ішкі  мемлекеттік аудиті департаментінің аудиторлары Арал ауданының ауылшаруашылық басқармасында  жоспарлы аудит жүргізген болатын.

Жүргізілген сәйкестік аудитінің ішкі мемлекеттік аудитімен рәсімдік сипаттағы жалпы сомасы  13 525,5 мың теңгеге бұзушылықтар анықталды.

Қазақстан Республикасының Бюджеттік кодекстің 180-бап, 3-тармағының және №1 тапсырма келісім шарттың 2 бөлімнің 2,7 тармағының талаптары сақталмай, құжаттарды Қабылдап алу-тапсыру актісіне екі жақты қол қойылмаса да сенім білдіруші Сенім білдірген өкілге «Агент»-тің есеп шотына 4-маманға тиісті  13 525,5 мың теңге қаражат алдын-ала аударылып берілген, ал Сенім білдірген өкілге «Агент»-ке жинақталған құжаттарды екі жақты қол қойылған Қабылдап алу-тапсыру актісі мерзімінен кеш тапсырылған.

Қазақстан Республикасының «Мемлекеттік аудит және қаржылық бақылау туралы» Заңының 5-бабы 2-тармағы 3) тармақшасына сәйкес аудиторлық тексерістің материалдары Сыбайлас жемқорлыққа қарсы іс-қимыл агенттігінің Қызылорда облысы бойынша департаментіне қарауға және процессуалдық шешім қабылдау мақсатында жолданды.