Александр Лукашенко президенттікке кандидатурасын ұсынды
Беларусь Орталық сайлау комиссиясы қазіргі президент Александр Лукашенконы алдағы президент сайлауына үміткер ретінде тіркеді, деп хабарлайды Egemen.kz.Сондай-ақ президенттікке үміткерлер тізімінде: «Коммунист Беларусь» газетінің бас редакторы Сергей Сыранков, «БелНИИПГрадостроительство» директоры Александр Хижняк, депутат Олег Гайдукевич және кәсіпкер Анна Канопацкая бар.
Бұрын қабылданған сайлау жоспарына сәйкес, сайлау алдындағы үгіт-насихат жұмыстары 2025 жылдың 1 қаңтары мен 25 қаңтары аралығында өтеді. 21 қаңтар мен 25 қаңтарды қоса алғанда, елде президент сайлауына мерзімінен бұрын дауыс беру өтеді. Айта кетейік, негізгі дауыс беру күні - 26 қаңтар.
Фото: Ашық дереккөз
