Канадада жол апатынан 15 адам қаза тапты
Канаданың Манитоба провинциясында жол апатынан 15 адам опат болды, деп хабарлайды Хабар 24.Жүк көлігі қарттар мен мүмкіндігі шектеулі жандарды әкеле жатқан автобусты соққан. Мамандар мұны ел тарихындағы кісі өлімі ең көп тіркелген жол апатының бірі деп бағалады. Көлікте жалпы 25 адам болған. 2 жүргізуші де аман қалған.
Роб Хилл, Манитоба полиция комиссарының көмекшісі:
- Қайғылы оқиға 2 ірі жолдың түйіскен жерінде болған. Әртүрлі жарақат алған 10 адам шұғыл ауруханаға жеткізілді. Полиция тергеу амалдарын жүргізіп жатыр. Қайтыс болған жандардың туыстарының қайғысына ортақтасып, көңіл айтамын.
