Ирак парламенті елдің жаңа президентін сайлады
Мемлекет басшысы болып бұрынғы Су ресурстар министрі Абдель Латиф Рашид тағайындалды, деп хабарлайды «Хабар 24».Оны депутаттардың 162-сі қолдаса, қарсыласы бұрынғы президент Бархам Салехке 63 адам ғана дауыс берді. Латиф Рашид мемлекет басшысы ретінде ант бере салысымен елдің Премьер-министрі етіп Мұаммед ас-Суданиді бекітті. Осылай елде бір жылға жуық жалғасып келе жатқан саяси дағдарысты еңсеруге қадам жасалды.
Еске сала кетейік, Иракта өткен жылы қазан айында парламенттік сайлауда имам Мұқтада ас-Садр одағы жеңіске жетеді. Алайда ол өзге партиялармен бірлесіп үкімет құра алмай, елде саяси тұрақсыздық орнаған еді.
