Бразилиядағы жағажайда ерекше сурет пайда болды
Бейбітшілік пен бірлікке үндейтін туынды. Рио-де-Жанейродағы атақты Копакабана жағажайының құмында ерекше сурет пайда болды, деп хабарлайды «Хабар 24».Бұл француз суретшісі Гилерьмо Легростың жаһандық жоба аясында салған авторлық шығармасы. Суретші аумағы 1500 шаршы метр болатын жағалаудың құмын бүріккішпен бояп, туындыны салып шыққан. Айта кетерлігі, құмды бояуда ағаш көмір мен бор сынды табиғи пигменттер қолданылған. Бұл материалдар экологияға зиян келтірмейді. Жалпы суретші көпшілікке Сэйпи лақап атымен танымал. Осы уақытқа дейін ол түрлі елдерде терең мағыналы 50-ден астам алып сурет салған.
