Жапонияда сакура ағашы гүлдеді
Көктемнің белгісін тамашалау үшін Токиодағы император сарайындағы бақшаға мыңдап адам жиылған, деп хабарлайды «Хабар 24».Өйткені кейінгі екі жылда тұрғындар мұнда келе алмаған. Себеп пандемия. Шектеу шаралары тек өткен аптада ғана алынған. Айта кеткен жөн, жапондықтар сакураның гүлдеуін жыл бойы күтеді. Осы кезде тұрғындар бас қосып, ағаштың астына дастархан жаяды. Алайда биыл шектеу шаралары жеңілдетілгенмен, билік сақтанып далада тамақ ішуден бас тартуға шақырып отыр.
– Сакураның гүлдеуі – өте әдемі көрініс!
– Мұны өз көзімізбен көрмегелі біраз болды. Сағынып қалыппыз. Адам көп. Мына вирусты жеңіп шықсақ екен.
