Тіршілік тынысы Сырдария аудандық қоғамдық-саяси газет

№ 96 газет

04 желтоқсан 2021 ж.

№ 95 газет

01 желтоқсан 2021 ж.

№ 94 газет

27 қараша 2021 ж.

Жаңалықтар мұрағаты

«    Желтоқсан 2021    »
ДсСсСрБсЖмСбЖс
 12345
6789101112
13141516171819
20212223242526
2728293031 
» » Ұлыбританияда киіз үйге қызығушылар саны күн сайын көбеюде

Ұлыбританияда киіз үйге қызығушылар саны күн сайын көбеюде

Ұлыбританияда қазақтың киіз үйіне сұраныс артты. Ағылшындар оны демалыс және мереке күндері жалдауды әдетке айналдырған. Кейбірі тіпті қымбат бағаға сатып алуға да дайын.

Джил Браун отбасылық шара өткізу үшін киіз үйді жалға алуға келіпті. Бірге шеге қақпай ақ, оңай құрылып, тез жиналатын қазақы үйге ағылшындардың қызығушылығы артқан. Жазда салқын, қыста жылы, сәні мен салтанаты келіскен киіз үй британдықтарға таңсық болғанымен, сатып алуға ниеттілер көп. Құны - 3 млн теңге.

“Маған шынымен де ұнайтыны сыртқы келбеті. Гобелендер мен киіздері әдемі. Ішінде орналасқан жиһаздары да керемет. Өте ыңғайлы және алуан түрлі түске бай. Менмұндалап тұрады. Мен осындай киіз үйдің біреуін иеленгім келетіні рас”, – деді тұтынушы Джил Браун.

Киіз үйдің ішіндегі жасауы көздің жауын алады. Ұлттық нақышта тігілген көрпе-төсегі бар алты қанат үйді кезінде қазақстандық кәсіпкер ағылшын компаниясына сыйға тартқан. Компания өкілдері енді оны бизнес көзіне айналдырып, жалға беріп жүр. Мәселен, сенбі-жексенбі күндері пайдаланғысы келетіндер 500 стерлинг фунтын, яғни 300 мың теңге төлеулері керек. Алты қанат үйді компания қызметкерлерінің өздері құрып, жығып береді.

“Киіз үйлер Ұлыбританияда және Еуропаның көптеген өңірлерінде зор сұранысқа ие. Олар табиғатпен байланысқысы, көшпенділер өмір салтын ұстанғысы келетіндерді қатты қызықтырады. Табиғатқа етене жақын болып, қарапайым өмір сүргісі келетіндер киіз үй жалдайды”, – деді компания өкілі Генри Даул.

Туристік аумақтың иелері, жергілікті әкімшіліктер, мектептер, мерекелік шара ұйымдастырушылар - тұрақты тұтынушылар. Әсіресе, үйлену тойларын өткізу үшін киіз үйлерді жалдайтындар көп. Компаниядағылар кәсіптерін одан әрі дөңгелету үшін Қазақстанға сапарлап келгісі бар. Киіз үйді қолдан жасаудың қыр-сырын меңгеріп, іскерлік байланыс орнатуды көздейді.

31 қазан 2021 ж. 462 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам