ӘН КЕРУЕНІ АУЫЛДА...
Н.Ілиясов ауылдық мәдениет үйінің ұйымдастыруымен әуесқой әншілер арасында ән байқауы өтті. Байқауға тұздық болған тақырып Ұлы Жеңістің 74 жылдығы қарсаңында қазақтың батыр қызы Әлия Молдағұлованы еске алу болды. Шара екі кезеңнен тұрды. Алғашқысында қатысушылар ерлік, елдік тақырыбында ән шырқаса, келесі кезеңде еркін тақырыпта бір ән ұсынды. Кәсіби әншілер емес, күріш пен егіннің ортасында жүріп су кешкен еңбеккерлер бақ сынаған сайыста бас жүлдені А.Тоқмағанбетов ауылынан келген Абылайхан Байділдаев жеңіп алды. Көрермен көзайыма бөленіп, ерекше есте қалған марапат иелеріне бағалы сыйлық пен “Алғыс хат” табысталды.Майя ҚОЖАБАЙ
