Тұрсынбек Қабатов жұбайын перзентханадан сән-салтанатпен шығарып алды
Бесінші мәрте әке атанған Тұрсынбек Қабатов жұбайы мен ұлын перзентханадан шығарып алды. Қуанышты күннің фото-видеоларын Мөлдір Мұқанова желідегі парақшасында жариялады, деп жазады Stan.kz.
“Аллаға сансыз шүкір. Аман-есен бөпемізбен үйге оралып қуанып жатқан жәйіміз бар. Баршаңызға басымды иіп алғысымды білдіремін.Отбасымызда болып жатқан қуанышымызға ортақтасып, жаудырып жатқан ақ тілекке толы жүректеріңізден айналдым. Баршаңыздың шаңырақтарыңыз тек қуанышқа, шаттыққа, сәбилердің бақытқа толы күлкісіне бөлене берсін.
Баршаңызға Алла разы болсын”, – деп қуанышымен бөлісті ол Insta-парақшасында.
Айта кетейік, Тұрсынбек пен Мөлдірдің ортақ бес перзенті бар. Ерлі-зайыптылар үш қыздан кейін қатарынан екі мәрте ұлды болды.
