Мәдениет саласының ардагерлері құрмет төрінде

Аудандық мәдениет саласының майталмандарымен құрылған «Алтын қазына» ардагерлер ансамблі Қызылорда қаласының астана болғанына 100 жыл толуына және «Жұмысшы мамандықтар жылына» орай қазақ мәдениеті мен әдебиетін, салт-санасы мен тарихын рухани дүние танымын жаңғырту мақсатында ұйымдастырылған «Тарихтың таңбасы, рухтың ордасы - Қызылордам» атты облыстық өнер байқауында үздік өнер көрсеткені үшін марапат төрінен көрінді. Кәсіби саланың майталмандарын арнайы Қызылорда қаласының әкімі Нұржан Ахатов «Алғыс хатпен» марапаттап, құрмет көрсетті.

Айта кетейік, облыстық өнер байқауында Сырдария ауданының өнерпаздары І орынға ие болған еді.

Қазіргі таңдағы өнер ұжымына алға бастар жол сілтеп, жыл бойы жинақтаған тәжірибесі мен білімін өскелең ұрпаққа үлгі қылып үйретіп жүрген аға буын өкілдері. Отбасында мейірімді ата-әже болса, қызметте көрегенді, батылдық пен нағыз өнердің бейнесі іспеттес. Алдағы күнге тек сәттілік серік болсын дей отырып, құрмет төрінен көріне берулеріңізге тілектеспіз!

ҚҰТТЫҚТАЙМЫЗ!