Байқаудың мақсаты қыздарымыздың ақыл-парасатымен, білімділігін, ой-өрісінің дүниетанымының кеңдігін насихаттау және ұлттық өнерімізбен ұлы тарихымызды, ұлттық құндылықтар мен еліміздің жетістіктерін құрметтеу болып табылады.

Байқау 4 кезең бойынша өткізіліп, аталмыш байқауға ауылдық елді-мекендерден 8 аруларымыз өз өнерлерін ортаға салды.

Байқауда қазылық еткен қазылар алқасының төрағасы, кәсіпорын директорының орынбасары А.Садықов, қазылар алқасының мүшесі, “Қазақ аруы-2013” Республикалық байқауының жеңімпазы, Ә.Қанатбаева, қазылар алқасының мүшесі, Қазақстан хореографтар Одағының мүшесі Л.Пак, қазылар алқасының мүшесі, “Отбасы” орталығы филиалының басшысы А.Маратқызы, қазылар алқасының мүшесі “Аяулым” сән салонының негізін қалаушы Ә.Оразбаева.

Нәтижесінде Алғыс хатпен Итемірова Аймереке С.Сейфуллин ауылы, Дастанова Зере Тереңөзек кенті мәдениет үйі, Дайрабаева Орынкүл Қалжан ахун ауылы, Нұрланқызы Айнура Айдарлы ауылынан келген аруларымыз марапатталды.

Байқаудың жүлделі 3 орны Н.Ілиясов ауылынан келген Төлебай Көркемге, 2 орын Бесарық ауылынан келген Ақылбек Іңкәрға және жүлделі 1 орын Аманкелді ауылынан келген аруымыз Жарқынбек Шапағатқа бұйырды.

Байқаудың Бас жүлдесі Тереңөзек кенті клубы атынан қатысқан аруымыз Ермағанбетова Аружанға бұйырып, “Сырдария аруы-2025” атанды.

Байқау соңында облыстық “СЫР АРУЫ” байқауының продюсері Айгерім Қанатбаева 2 қызға Іңкәр Ақылбек пен Аружан Ермағанбетоваға “Сыр аруы-2025” байқауына жолдама берді.

Байқауға қатысқан барлық аруларымызды жеңістерімен құттықтай отырып, алғыс білдіреміз! Алдағы уақытта тек шығармашылық табыс пен сәттілік тілейміз.