“Қазақтың тұңғыш ғалымы…” атты танымдық кеш өткізілді

2024 жылдың 12 ақпанында Сырдария аудандық мәдениет үйінің ұйымдастыруымен геолог-ғалым, минерология ғылымдарының докторы, профессор, академик, Қазақстан ғылымының орасан зор табыстарға жетіп, әлемдік биікке жетуде айрықша еңбек сіңірген, дүниежүзіне танымал,халқының сүйікті перзенттерінің бірі, елімізде тау-кен ғылымының негізін қалаған ғалым- Қаныш Имантайұлы Сәтпаевтың туғанына 125 жыл толуына орай “Қазақтың тұңғыш ғалымы…” атты танымдық кеш өткізілді.

Танымдық шара Қаныш Сәтпаевтың өмір жолы,еңбегін насихаттауға арналған видеороликпен бастау алды. Әрі қарай “Балауса” халықтық би ансамблінің кіші топ қыздары “Қазақ” биімен көркемдеді. Ақбота Талғатова “Ел аман болсын” әнін орындаса, жас күйші Тілеген Жақсылықов Құрманғазының “ Адай” күйін нақышына келтіре орындады. Шараға мектеп оқушылары, ұстаздар қатыстырылды.