Қазақстандық жас өнерпаз «Витебск» балалар байқауының бас жүлдесін жеңіп алды

Қазақстандық жас әнші Шерхан Арыстан XXI Халықаралық «Витебск» балалар музыкалық байқауының бас жүлдесін жеңіп алды, деп хабарлайды Egemen.kz.

Жергілікті басылымының жазуынша, жас орындаушы ең жоғары ұпай жинады. Сонымен байқаудың бірінші күні ол Андреа Бочелли, Дэвид Фостер және Эми Фостердің Ama, Credi e Vai (Сүй, сен, жүре бер) композициясын орындағаны үшін 70 ұпай жинады. Екінші күні де Шерхан Арыстан 70 ұпай алды. 

Басылым Қазақстаннан барған жас әнші қазылар алқасын күшті вокалымен тәнті еткенін жазды. Сонымен қатар Шерхан Арыстан Қазақстанда танымал болуды армандайтынын айтты.