Тіршілік тынысы Tirshilik-tynysy.kz ақпараттық агенттігі
» » » «Аватардың» қазақша нұсқасын қайдан көруге болады?

«Аватардың» қазақша нұсқасын қайдан көруге болады?

Мәдениет және спорт министрі Дәурен Абаев көрермендерді «Аватар: Су жолы» фильмінің қазақ тіліндегі нұсқасына баруға шақырды, деп хабарлайды Egemen.kz.

Әйгілі режиссер Джеймс Кэмеронның туындысы 15 желтоқсаннан бастап екі тілде еліміздегі барлық кинотеатрларда көрсетіліп жатыр.

«Аватар: Су жолы» фильмін ел азаматтары қазақ тілінде тамашалай алуы үшін Мәдениет және спорт министрлігі бастамашылық етіп, Disney студиясымен бірігіп үлкен жобаны қолға алды. Жаңа блокбастерді қазақ тіліне дубляждап, барлық кинотеатрға берді. Әлбетте, кинотеатрлар - бизнес субъектісі. Десек те, қазақтілді контентке қолдау көрсетіп, фильмді сұранысқа ие уақытқа қойған кинотеатрлардың тізімін, кинокестесін сіздерге ұсынамыз. «Аватардың» қазақ тіліндегі нұсқасына баруға шақырамын», деп жазды Дәурен Абаев әлеуметтік желідегі парақшасында.
17 желтоқсан 2022 ж. 520 0