Тіршілік тынысы Сырдария аудандық қоғамдық-саяси газет
» » » Ұлттың рухын көтерген шығарма

Ұлттың рухын көтерген шығарма

Шаған ауылдық модельді кітап­хана­сының ұйым­дасты­руымен халық жазушысы, Ұлы Отан соғысының ардагері Әзілхан Нұр­ша­йықовтың туғанына 100 жыл толуына орай «Ақиқат пен аңыз» романы бойынша оқыр­мандар конференциясы өткізілді. Конфе­рен­цияға ауылдық кітапхананың тұрақты оқыр­ман­дары қатысты.

Конференцияға қатысушылар «Ақи­­қат пен аңыз» романының желісі бо­йын­ша әңгіме өрбітті. Негізінен, шығармада автор Кеңес одағының батыры Бауыржан Момышұлының соғыс жыл­да­рындағы ерліктері мен басынан өткен қиын­дықтары жөнінде сұхбаттасады. Қа­лам­гер қайратты, ержүрек батырдың болмысын әдеби тілмен суреттейді. Азаматтық, ерлік тұлғасы оқырман қа­уымның жүрегінен жол табады.

Өз кезегінде тағылымы мол роман жайында кітапхана оқыр­мандары Төлеп Мыханов, Жақан Мұғалов, Ықылас Қияқ­баев, Гүлзат Әлжанова өз ойларын ортаға салды. №37 мектеп-лицей оқушылары роман бойынша дайын­дал­ған сұрақтарға жа­уап берді.

– «Ақиқат пен аңыз» романы бас­па­ханадан үш рет басылып шық­қан екен. Лирикалық шығармаларды жа­зуға машықтанған Ә.Нұршайықов ер­жү­­рек батырдың алдына барғанда бі­раз тосыр­қайды. Дегенмен соғыс жыл­­­да­рын­дағы тауқыметті, Отанды қор­ғау жолындағы көзсіз ерліктер оқыр­­­ман қауымға ұғынықты тілмен баян­­да­лады. Бала кезімізден сүйікті жа­зу­­шыла­рымыздың кітап­тарын жас­танып оқитынбыз. Қа­зақ­тың біртуар аза­маты Әзілхан Нұршайы­қовтың 100 жылдық ме­рейтойы – күл­лі қазақтың қуанышы. Патриот­тық шы­ғармалар өс­келең ұрпақтың рухын кө­тереді. Елдін ұлтжанды азаматы болуға баулиды, – дейді Ықылас Қияқбаев.

Балтабай Аябекұлы
05 сәуір 2022 ж. 245 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам