Министр Роза Бағланованың 100 жылдық мерейтойы қалай атап өтілетінін айтты
Мәдениет және спорт министрі Ақтоты Райымұлова 2022 жылы әйгілі әнші Роза Бағланованың 100 жылдық мерейтойы қалай атап өтілетінін айтты, деп хабарлайды Sputnik Қазақстан тілшісі.Айтуынша, министрлік мерейтойды дайындау және өткізу үшін жалпыреспубликалық жоспар енгізді. Осы жоспар бойына бірнеше шара көзделген.
Сондай-ақ бірнеше қалада, мысалы Қызылорда мен Нұр-Сұлтанда қаласындағы көше мен музыкалық мектеперге Роза Бағланованың аты беріледі."Соның ішінде Роза Бағланованың есімін ЮНЕСКО-ның күн тәртібі бойынша жасалатын атаулы күндер күнтізбесіне енгізу мәселесі жүргізіліп жатыр. Республикалық "Қазақконцерт" мемлекеттік концерттік ұйымы бар екенін білесіздер. Осы ұйымға Роза Тәжібайқызы Бағланованың есімін беру жоспарланып отыр", – деді Райымқұлова халыққа есеп беру кездесуінде.
Бірнеше фестивальдер мен концерттер, республика бойынша қойылымдар, кинотүсірілімдер өтеді. Бірнеше кітап мен фотоальбом шығарылады.
Бұдан бөлек, Ұлттық банк мерейтойға арнап монета шығарады, қазақстандық пошта маркасы да басылады.
Айта кетейік, Роза Бағланова 1922 жылы 1 қаңтарда Қызылорда облысындағы Қазалы қаласында дүниеге келген. Қазақстан және КСРО Халық әртісі, Халық Қаһарманы, "Тарлан" сыйлығының иегері.
Күміскөмей әнші 90 жасқа қараған шағында 2011 жылы 8 ақпанда дүние салды.
