Тәуелсіздікті жырлаған жас ақындар

Аудандық мәдениет және тілдерді дамыту бөлімі аудандық кітапханада Тәуелсіздік күніне орай жас ақындар мүшәйрасы өтті.

Ұлттық салт-дәстүрді, әдет-ғұрыпты жаңғырту, мемлекеттік тілдің қолданылу аясын кеңейту, жастардың қазақ тіліне деген сүйіспеншілігін, өз еліне патриоттық сезімін арттыру мақсатында өткен мүшайра «Желтоқсан жастары – Тәуелсіздік бастауы» тақырыбына арналды.

Байқауға 14-16 жас аралығындағы жас жазба ақындар қатысты. Қазылар алқасының шешімімен, бас жүлдені Іңкәрдария ауылынан қатысқан Мерей Жалғасбек иеленсе, І орын тұғырынан С.Сейфуллин ауылынан Б.Балапанов көрінді. ІІ, ІІІ - орындарды Асқарлық А.Базарбаева, және тереңөзектік Б.Пернебаев иеленді.

Шара соңында қатысушыларға Алғыс хат пен бағалы сыйлық тапсырылды.

"ТТ" ақпарат