Құрметті Сырдария ауданының тұрғындары мен қонақтары!

Сырдария ауданы Полиция бөлімі Жергілікті полиция қызметі бөлімшесі Отбасылық тұрмыстық зорлық-зомбылыққа қарсы күрес тобымен көкейлеріңізде жүрген сұрақтарға, қоғамда белең алып жатқан отбасылық жанжалдардың алдын-алуда әрбір мәселелерге заң тұрғысынан көмек беретіндігімізді және әрқашанда қолдау білдіруге дайын екендігімізді сөзге тиек ете отырып, Республика бойынша Бақытты ел-бақытты отбасы атты акциясының басталғанын хабарлаймыз!

Өздеріңіз білетіндей қоғамдағы ең басты құндылықтардың бірі – отбасы. «Бақытты отбасы – бақытты ел» атты акцияның мақсаты – отбасылық құндылықтарды дәріптеу, қоғамда мейірімділік пен сүйіспеншілікті арттыру, отбасындағы зорлық-зомбылыққа жол бермеу мәселесіне қоғам назарын аудару.

Акция барысында қатысушыларға отбасының қоғамдағы рөлі мен маңызы түсіндіріліп, бірқатар шығармашылық және интерактивті шаралар ұйымдастырылады. Жастар, ата-аналар, қоғам белсенділері және мемлекеттік органдар өкілдері бірлесе отырып, отбасы институтын нығайтудың маңызын айқындайды.

Акцияның міндеттері:

Отбасы құндылықтарын насихаттау;

Қоғамда зорлық-зомбылықсыз өмір салтын қалыптастыруға үндеу;

Жастарды мейірімге, өзара сыйластыққа тәрбиелеу;

Әрбір отбасына қолдау көрсету,

Бұл акция – отбасылық құндылықтарды дәріптеу арқылы қоғамда зорлық-зомбылыққа қарсы тұрудың және бірлікке шақырудың айқын үлгісі.

Отбасы – әр азаматтың тұлға болып қалыптасатын алғашқы мектебі, адамгершілік пен мейірімділіктің бастауы. Ел болашағының жарқын болуы тікелей отбасындағы ахуалға байланысты. Сондықтан отбасының берекесін сақтау, зорлық-зомбылыққа жол бермеу, балаға өнегелі тәрбие беру – баршамыздың ортақ міндетіміз.

Бақытты отбасы көбейген сайын – біздің еліміз де бақытты, берекелі бола бермек.

Қорытындылай келе, баршаңызды өз отбасыларыңызға қамқор болып, мейірім мен сүйіспеншілікке толы қоғам қалыптастыруға шақырамыз.Біз Сіздермен біргеміз!!!

Ұраны: «Бақытты отбасы – бақытты ел!»

Фото: Ашық дереккөзден