Үздіктерді таңдаймыз: «МСАК көшбасшысы» атты емханалар арасындағы байқау

1 тамызда еліміздің түпкір-түпкірінде алғашқы медициналық-санитарлық көмек көрсететін медициналық ұйымдар арасында байқау басталды. Шараны Әлеуметтік медициналық сақтандыру қорының филиалдары ұйымдастырып отыр.

Аймақтың үздік емханасы келесі шарттар негізінде анықталады:

• МӘМС жүйесінде сақтандырылғандар санын арттыру;

• Емхана жұмысына қатысты шағымдардың санын азайту;

• Тіркелген азаматтар арасында МӘМС жүйесі мен Пациенттерді қолдау қызметі жұмысы жөнінде сауалнама жүргізу;

• Динамикалық бақылаудағы азаматтардың жедел ауруханаға жатқызылу деңгейін өткен жылдың сәйкес кезеңімен салыстырғанда төмендету;

• МӘМС жүйесінің артықшылықтары және принциптері, сондай-ақ жарналар мен аударымдар тәртібі туралы ақпараттық материалдарды БАҚ мен әлеуметтік желілерде жариялау.

Конкурс 1 тамыздан бастап 30 қараша аралығында өтеді. Жеңімпаздар 2025 жылдың 11-18 желтоқсан аралығында жарияланады.

Айта кетейік, Қор өткен жылы осындай байқауды еліміздің 18 өңірінде өткізген еді. Ол медициналық қызмет көрсетушілер мен Қор арасындағы серіктестік қарым-қатынасты нығайтуға, сондай-ақ халыққа көрсетілетін медициналық көмектің сапасы мен қолжетімділігін арттыруға септігін тигізді.

Сырдария аудандық ауруханасы