Ауа райы: Алдағы тәуліктерде қар жауып, аяз болады
Қазгидромет 8-10 қарашаға арналған ауа райы болжамын жариялады.
«Баренц теңізі аудандарында қалыптасқан суық атмосфералық фронттармен Қазақстанға арктикалық ауа массалары түсе бастайды. Егер соңғы уақытта республикадағы ауа температурасы климаттық нормадан жоғары болса, ал алдағы үш тәулікте ол төмендейді және әдеттегі нормадан 3.....8°С төмен болады. Күн салқындап қана қоймай, жауын-шашын, қар, тұман мен көктайғақ күтіледі. Ал солтүстік, орталық және шығыс облыстарда қар жауып, боран, солтүстік-батыстан қатты жел және түнгі температураның 10-15 градусқа дейін төмендеуі, кей жерлерде 20° аяз күтіледі», – делінген хабарламада.
