Сырдария ауданына қарасты Бесарық ауылынан бокс және таэкван-до үйірмелері өз жұмысын бастады.

Спорттық үйірмелердің ашылу салтанатына аудан әкімі Ғ.Қазантаев қатысып, жаттықтырушылар мен спортшыларға сәттілік тіледі.

– Саңлақ спортшылардың көпшілігі ауылдан шыққаны белгілі. Ауыл спортын дамыту мемлекеттік саясаттың да басым бағыттарының бірі. Халқымызда «Нағыз ер – ел үшін еңбек етеді» деген қанатты сөз бар. Облысымызға белгілі кәсіпкерлер Мұрат және Дәулет Сәрсенбаевтар өз еңбектерін елге арнауда. Бүгін ауылдан таэквон-до және бокс үйірмесінің ашылуына демеушілік көрсетіп, қажетті спорттық заттарға 1 млн.500 мың теңге көлемінде қаржы жұмсап, ауыл балаларының спортпен шұғылдануына жағдай жасауда. Сол себепті, аудан халқының және жеке өзімнің атымнан аталған серіктес қызметкерлеріне алғысымды білдіремін,-деді аудан басшысы.

Айта кету керек, бүгінде бокс үйірмесіне 20-ға жуық ауыл жасы жазылған. Ал, таэкван-до спортымен 18 жасөспірім шұғылдануда. Жаттықтырушылар алдағы уақытта ауылдан спорт жұлдыздарын шығаруды мақсат етіп отыр. Ауыл жастарының спорттық жарыстарға қатысуына "Абай-Дәулет" және "Бесарық" ЖШС қолдау көрсетуге әркез дайын.